世紀黑仔

西班牙就打破左宿命，勇奪冠軍。但有個人就總係宿命難違，佢就係絕世黑仔王波歷克喇！

先別說2002年嘅四亞王事件，單係今季，唔計果隻盃仔慈善盾，克仔都「囊括」左聯賽盃、英超聯、歐聯三大賽事嘅銀牌，難怪畀人話「天生一條二奶命」。

六年前踢利華古遜時，球隊實力有限，但仍堅持三線作戰，難免顧此失彼。到加盟人強馬壯嘅車仔時，又撞正曼聯第三皇朝興起。響國家隊面對人材凋零，波歷克單天保至尊，能夠多次殺入決賽已算有交代。

西洋人說十三不詳，偏偏波歷克響球會及國家隊都穿上13號球衣，甚至連響車仔嘅週薪都係13萬鎊。結果搞成咁，你都唔好話唔邪！