心理質素

阿仙奴 3 vs 1 樸次茅夫

主場加半場揸住兩粒，對兵工廠班後生仔來講，係順風波，好好踢。

好可惜，論盡嘅辛達路斯又一次闖禍食紅牌。

畀著上季，班小兵會頂唔住壓力自亂陣腳，然後畀如狼似虎嘅老樸追和。

但今次班小朋友成熟左，頂住對手反撲之餘仲偷雞整多一粒，縱使簡奴扳回一球，都改變唔到結果。

呢兩季，兵工廠綽號後勁王，下半場末段竟然壓住打多一件嘅老樸來打，初生之犢真係唔講得笑！