事有湊巧

阿仙奴 1 vs 0 曼城

「曼城終於失球」、「長勝之師斷纜」可能係呢場波響體育版嘅標題，但更吸引我嘅係下半場阿仙奴果球12碼。由雲佩斯操刀射小舒米高把關嘅大門？心中即時湧起不詳之兆。

諗返1999年足總盃準決賽中，阿仙奴領先一球之下仲得到一球12碼，柏金操刀畀舒米高撲出後，曼聯最後奇蹟反勝晉級，最終完成三冠王霸業。因為呢單野，柏金以後都唔敢再射12碼。

小舒米高固然有乃父之風，雲佩斯嘅綽號正是「新柏金」，兩代傳人交手嘅結果，係歷史再次重演，都係唔入，邊會有咁邪架？

好彩，阿仙奴不愧為「後勁王」，狂攻80分鐘之下，終於由法比仔奠定勝局，總算補返雲佩斯隻鑊。曼城雖敗不辱，全場與兵工廠打成均勢，問題是欠缺一個有卡士嘅前鋒殺手，相信班主他信又要破財喇。